Այսօր Էկոնոմիկայի նախարար Կարեն Ճշմարիտյանը լրագրողներին ներկայացրեց Քուվեյթում ձեռք բերված պայմանավորվածությունները: «Նախ Քուվեյթի հիմնադրամի հետ պայմանավովարծություն եղավ, որ որպես աջակցություն` մեր ներկայացրած ենթակառուցվածքային ծրագրերը նրանք ֆինանսավորեն»,- ասաց նա:
Բացի այդ, նախարարը հույս հայտնեց, որ մինչև տարվա վերջ կունենանք նոր ավիաչվերթ` Քուվեյթ-Երևան, քանի որ այդ հարցը բարձրացվել է ՀՀ վարչապետ Հովիկ Աբրահամյանի հետ հանդիպումների ժամանակ և արդեն կնքված է համաձայնaգիրը:«Մենք Քուվեյթի կողմին տվել ենք հինգերորդ ազատություն: Այսինքն` նրանք կարող են այստեղից էլ չվերթներ իրականացնել` վերցնելով մեր ուղևորներին` ուղևորովելով դեպի Եվրոպա կամ այլ տեղեր»,-ասաց նա:
Կարեն Ճշմարիտյանը նշեց, որ մեկ այլ պայմանավորվածություն էլ եղավ, ըստ որի` այն բիզնես ծրագրերի փաթեթը, որոնք ներկայացված են եղել մեր տնտեսվարող սուբյեկտների կողմից, պետք է առևտրաարդյունաբերական պալատի միջոցով ներկայացվեն իրենց ներդրումային հիմնարդամին:
«Միևնույն ժամանակ նրանք խնդրեցին, որպեսզի ընդհանրապես ներդրումային ռեժիմի վերաբերյալ փաթեթը ներկայացնենք, որպեսզի նրանք ներկայացնեն իրենց գործարարներին, թե ինչպիսի երկիր է Հայաստանը»,- ասաց նա և նշեց, որ կարծում է, որ շահագրգռվածություն կա հատկապես ագրոբիզնեսում, ենթակառցվածքային ծրագրերեում և շինանյութերի արդյունաբերությունում:
