Վրաստանի պատվիրակությունը Հայոց ցեղասպանության 100–ամյա տարելիցի միջոցառումներին կգլխավորի խորհրդարանի փոխխոսնակ, վրացահայկական պատգամավորական բարեկամական խմբի ղեկավար Մանանա Կոբախիձեն, հայտնում է Civil.Ge ինտերնե–պորտալը։
Պարբերականը նշում է, որ Վրաստանը ևս մեկ պատվիրակություն կուղարկի ապրիլի 24–ին Գալիպոլիի 100–ամյա տարելիցի առիթով ծրագրված միջոցառումներին մասնակցելու համար։ Պատվիրակության կազմում կլինեն` Վրաստանի պաշտպանության նախարար Մինդիա Ջանելիձեն և Պաշտպանության և անվտանգության խորհրդարանական կոմիտեի նախագահ Իրակլի Սեսիաշվիլին։