Վրաստանի դատախազությունն առաջիկայում կարող է նախկին նախագահ Սաակաշվիլիին միաժամանակ մի քանի մեղադրանք առաջադրել, որոնցում նա այժմ որպես վկա է ներգրավված: Խոսքը բյուջեի միջոցների յուրացումների, պետական ունեցվածքի վաճառքի և միլիարդատեր Բիձինա Իվանիշվիլիի բանկն արհեստականորեն սնանկացնելու փորձի մասին է:
Նախկին նախագահը կարող է մեղադրյալ դառնալ նաև նախկին վարչապետ Զուրաբ Ժվանիայի մահվան հանգամանքները կեղծելու և կազմակերպված սպանությունների համար:
