Վենետիկի 71-րդ կինոֆառատոնի շրջանակներում օգոստոսի 31-ին Թուրքիայում հայերի ցեղասպանության մասին ֆիլմ է ցուցադրվել, հաղորդում է «Ինտերֆաքս»-ը:
Թուրքական ծագում ունեցող գերմանացի ռեժիսոր Ֆաթիհ Աքինի «Սպի» (The Cut) ֆիլմը, որը նկարահանվել է ռուս պրոդյուսերների մասնակցությամբ, պատմում է 1915-ի Հայոց ցեղասպանության հետեւանքների մասին: Գլխավոր հերոսը հայկական գյուղի երիտասարդ բնակիչ է, որը հրաշքով կենդանի է մնացել կոտորածների ժամանակ, եւ տեղեկանալով, որ իր երկու քույրերը կենդանի են մնացել, ողջ աշխարհում սկսում է նրանց փնտրել:
Ֆիլմը մի քանի երկրների համատեղ աշխատանքն է, այդ թվում Ռուսաստանի: Ռուսաստանի կողմից ֆիլմի պրոդյուսերներ են եղել Ռուբեն Դիշդիշյանն ու Արամ Մովսիսյանը:
Վենետիկի 71-րդ կինոփառատոնը այս օրերին տեղի է ունենում Իտալիայում եւ կտեւի մինչեւ սեպտեմբերի 6-ը:
