Ինչպես հաղորդում է Ռիա Նովոստի գործակալությունը, Թեհրանում գտնվող Սաուդյան Արաբիայի արտաքին հարաբերությունների ներկայացուցիչը կանչվել է արտգործնախարարություն, որտեղ նրան է հանձնվել բողոքի նոտա:
Նախօրեին Սաուդյան ռազմաօդային ուժերը խոչընդոտել, իսկ այնուհետեւ կանգնեցրել են իրանական ինքնաթիռներն, որոնք Եմեն են տեղափոխել հումանիտար օգնություն:
Իրանական կողմի պնդմամբ, ինքնաթիռները նախօրոք իրավունք էին ստացել Թեհրան-Օման թռիչքի իրականացման համար՝ իրենց գործողությունները կարգավորելով նաեւ Կարմիր խաչի հետ:
Սակայն, Սաուդյան Արաբիայի ռմբակոծիչները անօրինական կերպով խոչընդոտել են նրանց թռիչքին, ինչի հետեւանքով հումանիտար օգնությունը կրկին հետ է ուղարկվել Թեհրան:
Ինքնաթիռներից մեկում գտնվել են նաեւ վիրավոր եմենցիներ, որոնք բուժման կուրս են ընդունել Իրանի հոսպիտալներում, իսկ մյուս ինքնաթիռներում տեղաբաշխվել է դեղորայք ու հումանիտար օգնություն:
