Հուլիսի 28-ից Ռուսաստանում արգելվելու է Ուկրաինայից կաթնամթերք ներմուծել: Արգելքի պատճառը շարունակական խախտումներն են՝ հիմնականում ուկրաինական արտադրանքում առկա տետրացիկլին խմբին պատկանող հակաբորբոքայինների հայտնաբերումն է:
Հուլիսի սկզբին արգելվել էր «Միլկիլենդ-Ուկրաինա» կազմակերպության արտադրանքի ներմուծումը: Մինչ այդ «Միրգորոդի պանրի գործարան» - ի «Սմետանկովիյ Դոբրյանա», ինչպես նաև «Թագավոր Արթուր» (արտադրող «Միլկիլենդ Ուկրաինա») պանրում կաթնային արտադրանքի միկրոբային աղտոտվածության փաստեր էին բացահայտվել:
Ավելի շուտ արգելվել էր ուկրաինական «Միրգորոդի պանրի գործարան», «Չերնիգորյան կաթի գործարան », «Պրոմեթեյ», «Ռոս», «Արոմատ», «Ագրոլայթ» կազմակերպությունների կաթնամթերքի ներմուծումը:
Հուլիսի 24-ին Ուկրաինան և Ռուսաստանը փոխանակվեցին ապրանքների ներմուծման փոխադարձ արգելքներով: Սկզբում Ռուսաստանը հայտարարեց, որ ուկրաինական ապրանքները չեն համապատասխանում ռուսական պահանջներին, և նշվեց, որ դրանց ցուցակը երկար է. «Մանկական հյութերից, գարեջրից, պահածոներից մինչև կաթնամթերք»: Այնուհետև ռուս բուսասանիտարները սահմանափակումներ մտցրեցին ձեռքի պայուսակում կամ այլ ձևով Ուկրաինայի տարածքից բերվող բուսական ապրանքների մասով:
Ռուսական շուկան փակ է նաև Roshen կոնֆետների, ուկրաինական կաթնամթերքի համար, սահմանափակումներ են մտցված նաև ուկրաինական կարտոֆիլի ներմուծման համար:
Ի պատասխան Ուկրաինայում արգելվեց ներմուծել ռուսական խոզի միս՝ աֆրիկյան չումա կոչվող վիրուսի տարածումը կանխելու համար:
Հուլիսի 18-ին Ուկրաինայի նախկին վարչապետ Արսենիյ Յացենյուկը հայտարարեց, որ հնարավոր է երկկողմանի դադարեցվի ամբողջ առևտրաշրջանառությունը Ռուսաստանի հետ, ուստի պետք է պատրաստ լինել դրան :
Ռուսաստանի արտահանման մեջ Ուկրաինայի բաժինը կազմում է 4,5-6%,բայց ապրանքների կառուցվածքն ավելի դիվերսիֆիկացված է, քան մնացած երկրները միասին վերցրած: Փորձագետների կարծիքով Ռուսաստանը կարող է միայն այդ ապրանքների 40-45%-ն ուղղել այլ երկրներ, ինչը նշանակում է, որ Ռուսաստանը կորցնելու է մինչև 5,8 մլրդ դոլար, կամ արտահանման մեջ՝ 1,1%:
Ուկրաինայի համար Ռուսաստանն արտահանման մասով հիմնական գործընկեր է: 2013-ին Ռուսաստանի ներմուծման մեջ 24%-ը ուկրաինական արտադրանք է եղել: Հաշվարկները ցույց են տալիս, որ Ուկրաինան կարող է այլ երկրներ արտահանել ոչ ավել, քան Ռուսաստան ուղղվող արտադրանքի 15%-ը, ինչը նշանակում է, որ այն 9 %-ի չափով կորուստ է ունենալու արտահանման մեջ: