Ուկրաինայի նախագահ Պյոտր Պորոշենկոն հայտարարել է, որ «Պյոտր Պորոշենկոյի դաշինք» խմբակցությանն առաջարկել է երկրի վարչապետի պաշտոնում առաջադրել Արսենի Յացենյուկի թեկնածությունը: Այս մասին Պորոշենկոն հայտնել է Twitter-ում:
««Պյոտր Պորոշենկոյի դաշինք» խմբակցությանն առաջարկել եմ վարչապետի պաշտոնում առաջադրել Արսենի Յացենյուկին»,- գրել է Պորոշենկոն:
Ավելի ուշ հայտնի է դարձել, որ «Պյոտր Պորոշենկոյի դաշինքը» կաջակցի Յացենյուկի թեկնածությանը նոր կոալիցիոն կառավարության ղեկավարի պաշտոնում համատեղ գործունեության ծրագրի մանրամասն համաձայնեցման պայմանով՝ հայտնում է unian.net-ը:
Այս որոշումը հնչեցվել է ապագա խմբակցության առաջին նիստի ժամանակ՝ հաղորդվում է քաղաքական ուժի կայքում: