Ինչպես հաղորդում է «Երրորդ համաշխարհային պատերազմ պորտալը», Ուկրաինական ուժերը նոր վերախմբավորման արդյունքում հայտնվել են շփման գծից 15 կմ հեռավորության վրա
Ուկրաինական ուժայինները պրովակացիա հրահրելով, հարձակում են ձեռնարկել Դոնեցկի Կրասնոգորսկ ու Մարինյան շրջանների ուղղությամբ:
Այդ մասին հայտնել են ԴԺՀ հրամանատարական շտաբից, նշելով, որ աշխարհազորայիններին հակահարձակման արդյունքում հաջողվել է կասեցնել հակառակորդի առաջխաղացումը:
Ուկրաինական ուժերը նոր վերախմբավորման արդյունքում հայտնվել են շփման գծից 15 կմ հեռավորության վրա, ինչը նրանց հնարավորություն է ընձեռել պարբերաբար պրովակացիաների դիմել:
Միաժամանակ Դոնեցկի ինքնահռչակ հանրապետության ղեկավար Ա. Զախարչենկոն հայտնել է, որ ուկրաինական զինուժը ձեռնամուխ է եղել ուժերի վերախմբավորմանն ու մտադիր է մայիսին վերսկսել ռազմական գործողությունները:
Հիշեցնենք, որ շփման գոտում իրավիճակը գնալով սրվում է, գրանցվում են հրադադարի պարբերական խախտումներ, ուկրաինական կողմը կիրառում է ծանր հրետանի ու զինատեխնիկա: