Մեծ Բրիտանիայի գիտնականների հաղորդմամբ՝ վերջին 40 տարվա ընթացքում մաշկի քաղցկեղով հիվանդների թիվը ավելացել է յոթ անգամ: Ինչպես նշում է "Аргументы.ру"-ն՝ հիվանդների մեջ մեծ % են կազմում արևայրուքի սիրահարները:
Մաշկի քազցկեղը կամ ինչպես այլ կերպ նրան անվանում են, մելանոման առաջ է գալիս այն մարդկանց մոտ, ովքեր շատ հաճախ են ենթարկվում արևի ուլտրամանուշակագույն ճառագայթների ազդեցությանը: Քանի որ գեղեցիկ արևայրուքի նորաձևությունը առաջ եկավ նախորդ դարի 60-70-ական թթ, հենց այդ ժամանակահատվածից էլ մաշկի քաղցկեղով հիվանդների թիվը կտրուկ ավելացավ:
Բրիտանացի բժիշկների հաղորդմամբ՝ միայն Բրիտանիայում ամեն տարի մելանորմայից մահանում է ավելի քան երկու հազար մարդ:
Վերջերս ավստրալացի գիտնականները ապացուցեցին, որ մելանոմայի ավելի շատ հակված են ֆերմերները, վաճառականները, շինարարները և վարորդները: Այսինքն ռիսկի խմբում ոչ միայն կամավոր արևայրուքի սիրահարներն են, այլ նաև մարդիկ, ովքեր ոչ իրենց ցանկությամբ անընդհատ գտնվում են արևի տակ:
