Այսօր ԱԺ պետա-իրավական հարցերի հանձնաժողովում, երբ քննարկվում էր «ԴԱՀԿ մասին» օրենքում փոփոխություններ կատարելու մասին հարցը, ԲՀԿ խմբակցության պատգամավոր Տիգրան Ուրիխանյանի ու նրա առջև նստած` ՀՀԿ-ական պատգամավոր Արփինե Հովհաննիսյանի միջև հարցուպատասխանի տոնը քիչ ավելի սուր բնույթ ստացավ: Տիգրան Ուրիխանյանի հարցադրման տոնին Արփինե Հովհաննիսյանը փորձեց պատասխանել նույն կերպ:
Երբ Արփինե Հովհաննիսյանը պատասխանում էր, Տիգրան Ուրիխանյանը հարցրեց, թե ինչո՞ւ է իրեն նայում` նկատի ունենալով, որ պատասխանի բովանդակության հետ համամիտ է: «Իմ հայացքը Ձեզ չի ուղղված, այլ իմ առաջ է ուղղված, պարո'ն Ուրիխանյան: Մի' կաշկանդվեք այդպես»,- ասաց Արփինե Հովհաննիսյանը: «Ես Ձեր հայացքից չեմ կաշկանդվում, այլ հակառակ զգացումներ եմ ունենում»,- պատասխանեց Տիգրան Ուրիխանյանը: «Շատ լավ, ուրեմն ադեկվատ եք»,- պատասխանեց Արփինե Հովհաննիսյանը:
