Ինչպես հաղորդում է «Երրորդ համաշխարհային պատերազմ պորտալը», Մայիսի 9-ի Կարմիր հրապարակի հաղթանակի զորահանդեսն ամենամասշտաբայինն է Ռուսաստանի նորագույն պատմության ընթացքում:
Այդ մասին լրագրողների հետ հանդիպման ժամանակ հայտնել է ՌԴ պաշտպանության նախարար, բանակի գեներալ Սերգեյ Շոյգուն, նշելով, որ շքերթին կմասնակցի 15 հազար զինծառայող, 200 զինատեխնիկա, որոնց մեծ մասը ժամանակակից ու արդիական նմուշներ են:
Կարմիր հրապարակով առաջին անգամ կանցնեն ժամանակակից հրետանային ու հրթիռային համակարգեր, տանկեր, հետեւակային զրահամեքենաներ ու այլ ռազմատեխնիկա:
Բացի այդ շքերթին կմասնակցեն Հայրենական պատերազմի ռազմական տեխնիկան, իսկ երկնքում թռիչք կիրականացնեն 143 ուղղաթիռներ ու ինքնաթիռներ:
Բացի այդ հաղթական միջոցառումներ կիրականացվեն երկրի ողջ տարածքում:
