Հայաստան 

Թամարա Պողոսյանը ԲՀԿ-ի դե՞մ է աշխատում

analitik.am

Այսօր Երևանում տեղի ունեցավ հերթական ավագանու նիստը, որի ժամանակ «Բարգավաճ Հայաստան» խմբակցության  ղեկավար Թամարա Պողոսյանը հանդես եկավ  ելույթով, որում, մեջբերելով 2015 թվականի բյուջեի նախագծի ցուցանիշները, նշեց,  որ բյուջեի կանխատեսվող 4% աճի պարագայում էական գումարներ է նախատեսվում ուղղել աշխատավարձերի բարձրացմանը, ինչը, ըստ տիկին Թամարայի  նպատակահարմար չէ:


Թամարա Պողոսյանի գլխավորությամբ «Բարգավաճ Հայաստան» խմբակցությունը  դեմ քվեարկեց մի նախագծի, որի շնորհիվ 7000 աշխատակիցների՝ համայնքային ծառայողների, մանկապարտեզների և գրադարանների աշխատակիցների, աշխատավարձեր են բարձրացվում:


Այստեղ հարց է առաջանում՝ ո՞ւմ շահերն է պաշտպանում Թամարա Պողոսյանը՝ մի՞թե ԲՀԿ-ի, որն իր թեթև ձեռքով վստահաբար կարելի է ասել՝ այսօր կորցրեց  7000 ձայն, որին էլ, եթե գումարենք այդ մարդկանց ընտանիքների անդամներին, ապա բավականին լուրջ թիվ կստացվի:


Այնպիսի տպավորություն է, որ տիկին Պողոսյանն ուղղակի ցանկանում էր, որ խոսվի «Բարգավաճ Հայաստան» խմբակցության մասին,  քանզի վերջին անգամ դժվարությամբ կարող ենք մտաբերել, թե երբ է խոսվել ԲՀԿ ավագանու անդամների գործունեության մասին:


Առնվազն անտրամաբանական է հավատալ, որ ԲՀԿ-ն կարող էր կողմ լինել Թամարա Պողոսյանի նման անհեթեթ դիրքորոշմանը և համաձայնություն տալ քվեարկել մի նախագծի դեմ, որը բացառապես ի շահ այն մարդկանց է, ովքեր գրեթե կոպեկներով փորձում են իրենց ընտանիքները պահել:


ԲՀԿ-ն կամ Թամարա Պողոսյանը որևէ կերպ չեն կարող  հիմնավորել իրենց այս կիքսը, այլ կերպ չի կարելի  սա անվանել:


Ամենայն հավանականությամբ Թամարա Պողոսյանին պետք է այլ հարթակ տրամադրվի իր սեփական ամբիցիաները բավարարելու համար կամ էլ ԲՀԿ-ն պետք է համակերպվի, որ այս քայլից հետո հասարակության մի զգալի հատված ԲՀԿ-ին ընկալելու է՝ որպես ՛՛հացին վայիս լինող՛՛ կուսակցություն:

 


Ա. Մինասյան

 

Նույն շարքից