Այսօր օրվա երկրորդ կեսին Ոստիկանության Չարբախի բաժնի պետի նախկին տեղակալ` Դոգ մականունով Վարդան Ղուկասյանը ՁՊՎ-ից տեղափոխվել է ՀՔԾ, որտեղից էլ պետք է տարվեր Արաբկիր և Քանաքեռ-Զեյթունի ընդհանուր իրավասության դատարան, քննիչի կողմից` կալանավորումը որպես խափանման միջոց ընտրելու միջնորդությունը քննության առնելու համար:
Ինչպես հաղորդում են Analitik.am-ի աղբյուրները, այսօր Արաբկիր և Քանաքեռ-Զեյթուն վարչական շրջանների ընդհանուր իրավասության դատարանը քննության է առնելու Վարդան Ղուկասյանին երկու ամսով կալանավորելու` նախաքննական մարմնի միջնորդությունը: Ըստ շրջանառվող կարծիքների՝ միջնորդությունն ամենայն հավանականությամբ բավարարվելու է:
Նշենք, որ գործը գտնվում է ՀՔԾ քննիչ Ռաֆայել Գևորգյանի վարույթում:
Հիշեցնենք, որ Վարդան Ղուկասյանը ձերբակալվել է հոկտեմբերի 22-ին՝ շորթում կատարելու կասկածանքով:
Ըստ հավաստի տեղեկությունների՝ Դոգին ձերբակալել են Ararum.am կայքի խմբագիր Հովհաննես Եսայանի գործի շրջանակներում: Օրերս Հ. Եսայանի խափանման միջոց կալանավորումը փոխվել է, և նա ազատ է արձակվել:
