Բելառուսի Գոմելի շրջանի Բուդա-Կոշելյովո քաղաքի բնակիչը սպանել է կնոջն առաջին ամուսնական գիշերը՝ ծխելու պատճառով, գրում է gazeta.ru-ն:
Տղամարդը դատապարտվել է 14 տարվա ազատազրկման:
Հաղորդվում է, որ ողբերգությունը տեղի է ունեցել, երբ զույգը, որը քաղաքացիական ամուսնությամբ է ապրել մոտ տասը տարի, որոշել է օրինականացնել հարաբերությունները:
Հարսանիքից հետո ամուսինների միջև վեճ է ծագել: Տղամարդը կնոջը տեսել է ծխախոտով, սակայն մինչ այդ նրանք պայմանավորվել էին, որ նա դադարելու է ծխել:
Տղամարդը զենքից կրակել է նրա վրա: Դրանից հետո փորձել է ինքնասպան լինել՝ բերանը դնելով զենքն ու սեղմելով ձգանը: Բժիշկներին հաջողվել է փրկել տղամարդու կյանքը: