Արեւելյան Եվրոպայում պետք է ՆԱՏՕ-ի մշտական բազաներ ստեղծվեն, եթե դրանց անհրաժեշտությունը ծագի: Նման հայտարարությամբ է հանդես եկել Լիտվայի արտգործնախարար Լինաս Լինկյավիչուսը:
Նախարարի խոսքով՝ ՆԱՏՕ-ի լրացուցիչ ուժերը պետք է տեղակայվեն տարածաշրջանի երկրնում՝ Արեւելյան Եվրոպայի պետությունների անվտանգության ապահովման նպատակով:
2004թ. մարտից ՆԱՏՕ-ի անդամակցող Լիտվան բավականին ակտիվորեն պայքարում է Մերբալթիկայում դաշինքի ներկայության ուժեղացման համար: Ընդ որում, 1997թ. ստորագրված փոխադարձ հարաբերություւնների, համագործակցության եւ անվտանգության ոլորտներում Ռուսաստան-ՆԱՏՕ հիմնարար ակտում ՆԱՏՕ-ն հրաժարվել է նոր անդամ-պետությունների տարածքում լրացուցիչ մշտական մարտական ուժերի տեղակայումից: