Ավստրալիայի իշխանությունները մոտ 5 մլն դոլար կհատկացնեն Գազայի հատվածում ռազմական հակամարտությունից տուժած բնակիչներին՝ որպես շտապ հումանիտար օգնություն, նշվում է երկրի արտաքին գործերի նախարարության պաշտոնական կայքում։
Ավստրալիայի կառավարությունն անհանգստացած է Իսրայելի և «Համաս» շարժման միջև շարունակվող հակամարտության համար։
Ավստրալիայի արտաքին գործերի նախարար Ջուլիա Բիշոպը նշել է, որ հատկացված միջոցները կտրամադրվեն Գազայի բնակիչներին սնունդով, դեղորայքով, հիգիենայի պարագաներով ապահովելու, ինչպես նաև հոգեբանական օգնություն տրամադրելու համար։