Analitik.am-ը նախորդ հրապարակումներում անդրադարձել էր ՀՀ- ում ներկա ֆինանսական ճգնաժամի ժամանակ քաղաքացիներին ավանդների ներդրման համար ամենաբարձր տարեկան տոկոսադրույք առաջարկող ՀՀ ամենասկանդալային բանկերից մեկին՝ «ՅունիԲանկ» ՓԲԸ-ին:
Ակամայից փորձեցինք պարզել՝ ինչ է իրականում կատարվում այս բանկում,ովքեր են նրա իրական տերերը,ինչպես մեր ժողովրդական առածն է ասում «ովքե՞ր են նրանք,որտեղի՞ց են եկել և ու՞ր են գնում»:
Դեռևս անցած տարվա ամռանը yerkir.am- ը անդրադարձել էր սույն բանկի գործունեությանը՝ ի դեպ yerkir.am-ի վերոնշյալ հրապարակումը այդպես էլ բուն իմաստով չհերքվեց:
Ըստ այդ հրապարակման «ՅունիԲանկ» ՓԲԸ-ն 100 տոկոս օֆշորային կազմակերպություն է, բանկի իրական տերերը՝ խոսքը Գ.Զաքարյանի և Պեսկովի մասին է, ներգրավված են եղել աշխարհի ֆինանսական շուկան ցնցած հանրահայտ Կիպրոսյան սկանդալում:
Նույնիսկ Կիպրոսի նախագահը դիմեց իր երկրի գլխավոր դատախազին, որպեսզի վերջինս հետաքննություն անցկացնի Գ.Զաքարյանի և Պեսկովի գործունեության վերաբերյալ՝ կապված Կիպրոսի բանկի կողմից «Յունիաստրիմ» բանկի գնման հետ:
Կիպրոսի իշխանությունները խիստ կասկածներ ունեին՝ կապված 50 .000.000 եվրո ատկատների և կեղծ ակտիվների հետ:
Ինչն է հետաքրքիրն այս ամենում`
այսպիսի մեղմ ասած «փայլուն» կենսագրություն ունեցող բանկն այսօր ՀՀ-ում 18 տոկոս տարեկան տոկոսադրույքով ավանդ է ընդունում, և ինչպես իրենք են հայտարարում, ընդամենը երկու ամսում ազգաբնակչությունից հավաքել են մոտ երկու միլիարդ ՀՀ դրամ:
Խմբագրության կարծիքով, սույն գովազդային ակցիան, բանկի ֆորս մաժորի դեպքում, կատարված փաստի առաջ կարող է կանգնացնել մեր առանց այդ էլ աղքատացած բնակչությանը:
Իսկ մեր քաղաքացիներին ուղղակի ուզում ենք որպես զգուշացում հիշեցնել մի հին ասացվածք՝ «Ձրի Պանիրը միայն թակարդում է լինում»:
Սույն բանկի իրական գործունեության՝ այս պահին ընթացող դատական և քրեական գործերին կանրադառնանք մեր մյուս հրապարակումներում:
Շարունակելի
