ՙ«Ժառանգություն» խմբակցության ղեկավար Րաֆֆի Հովհաննիսյանն իր ելույթում ասաց.
«Հարգելի հայրենակիցներ, այսօր Մեծ Եղեռնին ընդառաջ հավաքվել ենք այստեղ, միացյալ ուժերով պահանջում ենք իշխանափոխություն, մենք միասին պետք է մնանք մինչև հաղթանակ: Այսօր կամ սկզբի վերջն է, կամ վերջի սկիզբը…
Երբ մի քանի տարի առաջ ամերիկահայությունը փորձում էր իր ուժերը միացնել, իմ հայրն ամենակարճ ելույթն ունեցավ ու ասաց՝ խոսքից գործ: ես այսօր ուզում եմ ասել հետևյալը, ով ուզում է ասել ԲՀԿ -ի կամ ՀԱԿ-ի առաջնորդների անունը տալ, սակայն կա ավելի վեհ գաղափար մեր երկիրն է: Մենք տարաձայնություններ ենք հաղթահարել և այժմ կանգնած ենք միասին այստեղ: Եվ այսօր հավաքվել ենք կյանքի, մահվան, պայքարի ու նորից կյանքի համար: Այստեղ կանգնածներից ոչ ոք Լևոն Տեր-Պետրոսյանը, Ծառուկյանը, Օսկանյանը, պաշտոնյաները օրիգինալ մտքի տեր չեն, միայն ժողովուրդն է դրա տերը և ժողովուրդն է ասելու, թե ինչ է ուզւոմ: Մեզ պետք է հեղափոխություն հոգու, մտքի, ազգի, քաղաքացու, ազգային ապագայի, այս հեղափոխությունը լինելու է ըստ ՀՀ Սահմանադրության: Մեր հաղթանակի ուժը մեր ներքին ազատությունն է, ես ՀՀ առաջին Նախագահի հետ այնքան էլ համաձայն չեմ: Ոչ ոք որևիցե մեկի ցանկությունը սահամանափակելու իրավասու չէ: Պարզապես ուզում եմ ասել, որ մենք դեմ ենք Հայաստան-Թուրքիա հակաազգային արձանագրություններին և դրանք պետք է գրողի ծոցը ուղարկել: Սերժ Սարգսյանն այսօր Հայաստանը տանում է սխալ ուղղությամբ, չեմ ուզում, որ որևիցե մեկը խեղաթյուրի իմ խոսքը և ինձ անվանի հակառուսամետ: Մենք ինքներս կողմնակից ենք եղել եվրոպական ինտեգրման, սակայն այժմ վերանայում ենք այդ մոտեցումը, քանի որ տեսնում ենք, որ այս աշխարհում ամեն մեկը իր շահն է հետապնդում, մենք դատապարտում ենք դա: Անհրաժեշտ է, որ ժողովրդավարական Հայաստաննն իր նոր իշխանությամբ կերտի համահավասար հարաբերություններ բոլորի հետ: Ամենակարևորը մեր ազատությունը, իշխանւոթյունն ու շահն է: Ով հարգում է մեզ, ուրեմն տեղ ունի մեր գլխի վրա: Որոշ մարդիկ հայտարարում են, որ իրենք ազգային շարժման առաջնորդ եմ, սակայն ես հասարակ քաղաքացի եմ, մարդ, ով անցյալ տարի հաղթեց Ս. Սարգսյանին ու նրա ռեժիմին: Այն ինչ ես այժմ ասում եմ, ասում եմ ոչ թե սուտ լիդեր, այլ որպես շարքային քաղաքացի: Մինչև Հայաստանը միանա որևէ միության պետք մտնի Արցախի ամբողջականությունը ճանաչած, այլ կերպ հանարավոր չէ: Չնայած մեր անցյալ տարաձայնություններին, կոչ ենք անում քաղաքական ու քաղաքացիական բոլոր ուժերին մեր երկիրը փրկելու համար: Գալ քաղաքական համաձայնության ՀՀ փրկության համար, ժողովդի հետ կիսել իշխանությունը, ստեղծել ժամանակավոր կառավարություն, հրաժարական տալ, մինչև ապրիլի քսանչորսը կազմակերպել արտահերթ խորհրդարանական ու նախագահական ընտրություններ: Առաջարկ կա, որպեսզի այսօրվանից նստացույց լինի Ազատության հրապարակում, ես այս հարցը քվեարկության չեմ դնի, թողնում եմ Գագիկ Ծառուկյանին: Եթե համաձայնության չգանք, ես վաղը Գյումրիում ժամը երկուսին կլինեմ դրամատիկական թատրոնի առջև»: