Այս տարի Վանի Աղթամար կղզու Սուրբ Խաչ եկեղեցում կազմակերպվելիք ամենամյա պատարագը սեպտեմբերի երկրորդ կիրակիի փոխարեն կկազմակերպվի առաջին կիրակի օրը: Այս մասին, ըստ թուրքական «Հաբեր 3» լրատվական կայքի, հայտարարել է Վանի Մշակույթի և զբոսաշրջության վարչության պետ Մուզաֆֆեր Աքթուղը, փոխանցում է Ermenihaber-ը:
Ըստ Աքթուղի՝ 2010 թվականից սկսած սեպտեմբերի երկրորդ կիրակի օրերին հայերի կողմից մատուցվող պատարագն այս տարի մեկ շաբաթ շուտ է մատուցվելու՝ Պոլսի հայոց պատրիարքության ցանկությամբ: Նա ասել է, որ իրենք ընդառաջ են գնացել պատրիարքի պահանջին և թույլատրել ժամանակային փոփոխությունը:
Աքթաղը խոսել է նաև Թուրքիայի համար Վանի ունեցած զբոսաշրջային դերի մասին՝ ասելով, որ այս տարի սպասում են ավելի մեծ թվով զբոսաշրջիկների:
