Samsung Electronics-ը ներկայացրել է շների համար նախատեսված «տուն-երազանքը» , որն արժե 30,6 հազար դոլար: Լյուքսային հայտնագործությունը հնարավոր կլինի տեսնել աշխարհում ամենամեծ դոգ-շոուի՝ Crufts-ի ժամանակ: Այս մասին հայտնում է CNBC-ը:
Տնակը նախատեսված չէ վաճառքի համար, այլ տրվելու է որպես նվեր՝ մրցույթների հաղթողներին:
Տնակը պատրաստել են վեց շաբաթում: Այն կազմված է երկու բնակելի տարածքներից՝ մեկը հանգստի համարկ, մյուսը՝ զվարճանքների և խաղիկների: Տնակում կա նաև արհեստական լճակ՝ խոտածածկույթով, դռան զանգ, հիդրոմերսման հնարավորությամբ լոգարան և այլն:
Հիշեցնենք, որ Crufts-ն այս տարի կանցկացվի մարտի 5- 8 ընկած ժամանակահատվածում Բիրմանգեմում՝ Անգլիա: Samsung-ը հովանավորում է այդ միջոցառումը: